無聊聊．三十

．　上討論區見新聞話大陸必勝客都冇沙律吧，原因係驚當地人拎沙律拎得太多，以為係內地人鬼鬼祟祟拎完又拎啦，點知睇完呢個網站，笑到我肚痛，光明正大用沙律起樓，圖解都算仲有PAPER教埋原理，睇十次笑十次，連我呢個完全唔食沙律既人都想走去「實踐」下，最衰香港冇左十幾年啦！（其實香港冇o左係咪同一原因？）

．　剛剛睇完《超級巨聲》第三集，又係一星期一次既判官時間。有少少井中望月，但已成習慣就繼續寫落去……

．　因為其實是一野過錄了幾集，所以有些製作問題根本無解決到（特別是主持湊仔問題愈來愈勁），就不提了。依然一面倒地是國語歌，啟示是，唱歌好聽的人，根本就不愛聽廣東歌。是我們聽歌的要檢討一下、還是香港音樂人應該檢討一下呢？

．　跟順序吧。《記得》同《香水有毒》都唱得好好（《記得》係咪降左key？），不過恕我直言佢地小妹妹點會知自己唱乜，如果唔聽感情聽技巧又未係超勁，如果她們都不合格這個節目就完了（《香水有毒》又真係唔合格仲差d out埋…）；《無名指的光環》我一定不會pass，有心要複製某些聲音及唱法的話可以唱到這水平不意外；《他不愛我》唔掂，首歌對佢黎講太深，既是歌迷何不揀側田的歌唱？；《如果我是個男孩》好高音呀，我中意她的聲音與及她整個人，演出時又有陣台灣校園味，睇多集先知我有幾中意佢；《認錯》太作狀了，連帶求分唱了幾句的《Loving You》都唔得，我可能仲唱得好D；《眼色》聽兩句已經知道條友開邊瓣，13分俾多左；

（……轉頁繼續一大堆唔睇埋唔舒服……）